Жаңалық ағынын басым түрде lenta.ru дәнекерлігімен байқап отыратыным бар. Өткендері осынау жаңалыққор платформа өзінің мерейтойы қарсаңында оқырмандарымен интерактивті сұхбаттасуды ойластырып еді. Біздегі zakon.kz, inform.kz, interfax.kz сияқты мүйізі қарағайдай БАҚ-тар да осындай фидбэк конференциялар ұйымдастырып тұрса қызық болар еді деп ойлап едім.

www.lenta.ru меніңше РИА Новости, ИТАР Тасстармен қатар Ресейдің флагман медиаресурстарына айнала білді. Екі мыңыншы жылдардан бастап тұрақты оқырманы боп алған екенмін, қарап отырсам. Сол уақыттан бері сайт жұмысындағы ілгері басу мысалдарының онлайн куәгері боп келіппін.

Жүздеген сұрақ нөпірінде дарақыланбайтын бір сұрақ қоя салып едім:

Нургиса Асылбеков [22.08 09:39]
Кто лучший, Аршавин или Исинбаева? Кто круче, Р.Абрамович или Дерипаска?

Сауалыма сайттың бас редакторы Галина тәтей жауап қайтарыпты: Read the rest of this entry »

Орыстілді прокатта «Бесславные ублюдки» деген атпен жүріп жатқан туынды. Квентинді «Биллді өлтіруімен» жақсы танимыз. Кино кәлимасына тіс сындырғандар бұ жігіттің өзіне тән соны стилистикасы бар деп жатыр. Өйтпегенде қайтсін, бозбала шағында видеокассеталарды жалға беруші боп қызмет етіп жүріп, қолыңда бар бүкіл видеотеканы екі-үш қайтара қарап шықсаң… Өзіңше бір көзқарасың болуы заңды қорытынды шығар.

«Жүгәрмектер» экшыны мен оқиғалардың өрбу динамикасы, жалпы сюжеттік құрылымы тұрғысында қызықтырмай қоймайды. Музыкалық сүйемелі де әр сюжетіне сай орайлы сәйкестендірілген сияқты. Фильмді көрушілер арасында Квентин тарих өңіне тың рең бермек болып, екінші дүниежүзілік соғыстағы АҚШ-тың «ықпалын» еселендіргісі келгені туралы, Гитлердің өлімінің басқаша сценариі қисынға келгісіздеу деген гипотезалар алға тартылып жатыр. Жақтаушы тарап о баста тарихты қайта тәпсірлеп беруден гөрі сюрреалисттік көзқарас қой бұл деп режиссураға шаң жуытқысы келмейді. Дей тұрғанмен, мұндай ауқымдағы фильмді шығара отырып, айт-айтпа дәл осындай шынтуайттылықты қабыл етуге бейілділердің табылмасына кім кепіл?

Таңырқай беруге болады. Тосын да кенет, кейде аморальділікпен қиысатын сәттерде не күй кешеріңді білмей абыржиды екенсің. Read the rest of this entry »

Аршаттар мен Бекжандар іргесін қалаған қазақ интернетінің интерактивті түрде болымды функционалмен дүйім жұртқа игілігін тигізуші беташар порталдардың бірі www.kerekinfo.kz. Еді. Атыңнан айналайын керекинфоның форумы небір ғұмырлық достарды табысуға, орайын және бабын тапқанға өмірлік серіктерін табысуға дәнекер-көпір де болды-ау. Біраздан бері белгілі-белгісіз себептермен қазақ интернеттерінен қол үзіңкіреп қалған Аршат көптің қорқытарынан, тереңнің батырарынан именді деу орынсыз болар. Ол өзінің печеньесіне пешенесіне жазылғаннан ауытқи қойсын ба… Ендеше, тарих тегершігін кері айналдырғандай болмасақ та, сарабдал ойлар мен өрнекті сөздер өрілген достардың емін-жарқын пікірлесіп шүйіркелесетін өнегелі ортасына шақырамыз. www.kerekinfo.kz канцеляриясы сайттың мойнына жүктелген ескі-құсқы міндеттемелерді жоққа шығармақ емес. Атырауда «Бләк энд уайт» шайханасында Сигма мен Мараттарға тағайындалған номинация мен тиісінше ынталандырулар әлі өз күшінде.

Ал сен қазақтордың қарлығашы www.kerekinfo.kz сайтұясына тіркелдің бе?!

«Келінді» базбір киносыншылар қазақ кинокәсібіндегі тың белес дегенді көзім шалып қалды. Отандық прокатта көрерменге төтесінен жол тартар киноленталар шоғыры әлі бәлендей болмағандықтан ба, әрбір туындысы өзінше бір төбе. Тиісінше, қазақстанық реципиент-жамағат та, маған салсаңыз, әлі балаң күйде сияқты. Яғни, дәл қазіргі моментумда бізге отандық бренд болса болғаны, а-ля «атыңнан айналайын ҚЗ-мейд кино, лағнет жаудыра көрме тек» ұстанымы, жұтқыншақтан кез-келгені өтіп жатыр. Режиссердікі (Ермек Тұрсынов) қамтиын деп тұрған тақырыбын мейлінше аша түсу, өзекті тұстардың панорамасын өз көзқарасы арқылы интерпритациялау. «Келін» біздің дәуірдің екінші жүзжылдығындағы Алтай өңірін мекен еткен түркі тайпаластардың өмір сүру ғұрпындағы кей жағдайларды баян етеді. Қыз айттыру, қыз әкесіне екі бірдей күйеу-кандидаттың аукциондағыдай молырақ қалыңмал ұсыну әрекеті, байғұс қыздың өз ғашығы емес, өзгеге қосақталуы – фильмнің бастапқы өзегі осы. Қосағымен бірге оның өмір дағдылары мен шарттарына сіңісіп, күйкі тірліктің арбасын сүйреп жатқан бұларға әлгі нақсүйер ғашығы іздеп келіп, күйеуін о дүниелік етеді. Әмеңгерлік жолымен Read the rest of this entry »

Һұанештан жұрегемез жарлеб бара жатір. Гүәнтшө базарларендаһе бәғалар түсб һапте. Һазахтар, бізнеспен аіналесам деісехездер һабар береб һоіенездар мен күтеб отермен. Калахан затте алеб берұіғе көмег мұмкін. Һетаіданмен, атем Жарғо. Сыздерге қызеқ болса жазев жатіңездар.

Қытайда миллионнан астам қандас бауырымыз бар десек, «ортанқол» қазақтың «жазба тілі» бір қарағанда ақсаңдай қоюы күлкі үйіргенмен, негізі оспадар жағдай. Кінәрат оларда емес дағы, қалыптасқан жағдайда, коммуникативтік сабақтастықтың кемшін болуында. Интернет, меніңше, осы олқылықтың орнын толтыруға зор сеп болуы керек сияқты. Сіз қытай қазақтарының жазбаларына көп кез келуші ме едіңіз? Түсінуде қиындықтар туындап жатпай ма?

«Сақал-мұрты бар, бойы ұзындау жапон» болып шықтым (А.Е.)

Өмірдің өз өрнегін өрнектейді ол. Ұрымтал тұстарын қолы қалт еткенде блогына жүктеп. Жүктемегенде ше – өз көргенін, түйсінгенін бөліседі, басқасына білдірсем екен деген ізгі ойы бар сайланған… Асхат Еркімбай – журналист амплуасында блог ісін жетік меңгеріп, осы арбаны абыроймен сүйреп әкетіп бара жатқан сақа жазбагер. Асхаттың кім екенін біз емес, блогы және прогресшіл журналисттен алған сұхбатымыздағы жауаптары айтсын:

Н.А.: Өріктері гүлдеп жатқан ауылдан сәлем, Асхат! Қалай жалпы, кісі елінде жерсініп, жатсынып жүрген жоқ боларсың?

Асхат Еркімбай: Сәлем, Нұреке! Әбден Еуропаны аралап үйреніп қалған басым, бас кезінде: «Қайда келіп қалдым?» деп аңтарылғаным рас. Қазір қарап отырсам, қанша дегенмен Азия елдері халықтарының менталитеті ұқсас екенбіз. Әсіресе, жуастығымыз көзге бірден түседі. Еуропада жүргенде жыртқыштар арасында жүргендей сезінетінмін. Батыста бәрі қарбалас, жанталас, бәсеке… Нью-Йоркта болғандар болса, мені түсінер. Ал мына жақта бойымды мимырттық, сабырлық, қанағатшылық сезімі баурады. Әлгі өлең бар ғой. «Еуропа да, Азия да емеспін мен» деген. Соның рас екеніне мына жақта жүріп көзім жетіп отыр. Жұбан ағамыз қалай дәл айтқан десеңші! Біз мүлдем басқа екенбіз. Біз дегенде Орыс империясының құрсауынан шыққан кіндік Азия елдерін айтамын. Себебі түріміз бір болғанымен, санамыз сол үш жүз жылғы царизммен қалыптасқан. Еуропалық ойлау жүйесі де бойымызда бар. Алған біліміміз де, жинаған тәжірибеміз де басқа. Қарапайым ғана мысал, біздің қазақтың қыздары мен мына жақтағы қыздардың түрі ұқсас болғанымен, ТМД-дан шыққандарды жүрісіне, кісілермен жасаған қарым-қатынасынан анық байқайсың. Көшеде қазақтың қызы кетіп бара жатса, оны мойнын бұрып қарағанынан-ақ танып қоюға болады

Н.А.: Сымбаттың блогында түрлі ұлыс пен ұлт несімен танымалды екені турасындағы жазбаны оқыған шығарсың. Куала Лумпурдағылар сені не елдің баласы деп қабылдап жатыр деп сезінесің?

Асхат Еркімбай: Иә, Сымбаттың блогын оқу маған да қызық. Қазақи болмыспен өрілген ойларынан үнемі жаңалық тауып отырамын. АҚШ-та жүргенде мені малайлықтармен шатастыратындықтан, мына жақта мені өзімсініп қабылдар деген «жаман» ой болған. Сөйтсем, мына жақта «сақал-мұрты бар, бойы ұзындау жапон» болып шықтым. Дүкенге барғанда сатушылар маған бірінші кезекте жапон тауарларын ұсынатынының себебін екі аптадан соң барып түсініп отырмын. Read the rest of this entry »

29 наурызда Алматыда үлкен дастархан жайылатын көрінеді. Қолыңыз тисе, барып, игі-жайсанмен дастархандас боп қайтыңыз! Кампанияның мақсаты да құп екен:

Астарыңыз дәмді, мәслихаттарыңыз мәнді болғай! Ммм… Магги…

Самарқанның көк тасы иіп, жібіп, көктем жаршысы наурызкөк Ұлыстың ұлы күнінің келгенін жария ететін датаға орайластырып отандық телевизия алтын қордағы жаһұттарды жомарттық таныта ұсынды. «Менің атым Қожа», «Гауһартас», «Тақиялы періште», «Алпамыс мектепке барады» (Алпамыстың роліндегі «бала» қазір орда бұзар жаста-ау, ә?!)… Шәкен Айманов пен Абдолла Қарсақбаевтардың өлмес мұралары болмаса кім біледі, отырар ма ек шегіркөздің «Будулайы» мен «киелівудтың» «теміртатырларына» телміріп.

Хош, қара топырақ бусанып, жер-жаһан қызылды-жасылды көкке оранатын әз Наурызға тарту-таралғы ретінде қаладағы синемада «Ойпырмай немесе менің қымбатты балаларым» отандық киносының тұсаукесері болды. Тұсаукесері емес, премьерасы дейік дәлдік үшін. Бәкең екеуміз барып ек. Бұл туралы «айқындықтар» өз «рецензиясын» беріп те үлгеріпті.

Кинозалға жиылысқан дүйім жұрт кей эпизодтарда ішек-сілесі қатып, қарқылдап күлгені рас. Киноға позитив пен болымды күш-қуат алып, тұла бойға пәрмен бітіріп шыққың келетіні бар емес пе еді?! Міне, соның кебі. Кигендері.

Кино тек таза коммерциялық табыс үшін түсірілсе, контентіне бағыттап «қарғыс/алғыс, лағнет/респект» (копирайтс – Асаубота) айтып береке таппақ жоқ, сірә. Өзінің мөрленген клишелері бар, кей ретте тәлімдік маңызға претензиясы бола бермейтін сюжеттері бар демекші… Read the rest of this entry »

“Сайттың аты чат үстінде табылды”

«Мәссаған» қазақтордағы өзіне жүктелген киелі миссияны «бір кісідей» атқарып келе жатқан танымал тұғыр. Санаулы қазақ порталдарының ішінде «Мәссағанның» да өзінің межелі аудиториясы, күнделікті кіресілі-шығасылы қолданушылары бар. www.massagan.com былтырғы өткен Award 2008 интернет мүшәйрасының «Қазақ тіліндегі ең үздік сайт» номинациясында жүлделі екінші орынға ие болды. ҚазНеттің өркен жаюына мол себін тигізіп жүрген осынау ресурстың құрушыларының бірі Бақытнұр Бәйтелұлын блог-кәде жоралғысымен әңгімеге тартқан едік.

А.Н.А. Бақытнұр, Жанарбек екеуіңіздің «Мәссағандатуларыңыз» тарихи өзбастауын қашаннан алады? Ұлттық порталдың ең алғашқы жазбасы жарияланған күнді, ең алғаш мүшесін … ең алғаштардың біразымен бөліссеңіз? Сайттың атауын кім ойлап тапты, идея кімге тиесілі?

Бақытнұр: Университет қабырғасында жүргенде-ақ қазақ тілді вебсайт істеу ойда бар еді. Соңынан ойлаған ойымыз орындалды. Сайтымыз 2005 жылы мамырдың бірі күні ашылған. Алғашқы идеяны Read the rest of this entry »

Құрметті интернетті басы қалғыр патшакөңіл жамағат! өзіңізден сүйінші сұрай отырып, құрсақ жарып www.kaztube.kz Қазақстандық видеопорталы дүниеге келгенін жар сала құлаққағыс етемін! Әзірге порталдың бета-нұсқасы іске қосылыпты. Видеопорталды пайдаланушылар қарау және видео жүктеу мүмкіндігіне ие. Кейін келе пікір қалдыру және өзге опцияларға “жан бітетін” түрі бар.

Сіздерге байғазы ретінде видеопорталдағы келесі қызықты ұсынып отырмын, соңына дейін қарау керек!!!

БАЙҒАЗЫ ============> ӘНШІ БАЛАПАН