Өзінің репертуарымен, дауыстарының тұнықтығы мен ән сапасы арқылы құлақ құрышын қандыру миссиясында толағай табысқа жетіп жүрген «МұзАрт» тобы мен үшін эстрадалық жанрда әнді мұртын бұзбай, түпнұсқа нақышына қиянат жасамай, ұтқыр образбен жеткізетінімен қымбат. Көп ретте ән әнші тарапынан өңделіп, қиюы әркім тарапынан өзінше қиыстырылып, шығымдағы өнім бірде сапалы болса, бірде сын көтермей жататыны болады. «МұзАрттарда» әнді құбыжық ету, аранжировка жасаймыз деп мазмұнына шығын келтіру жоқ. Мінеки, бізді осысымен әлдилеп жүрген трио өз сайтын ашты. Сайтты жасақтаушылардың бірі менің досым. www.muzart.kz бұдан былайғыда онлайн нұсқада тыңдарманымен бірге болуды мақсат тұтса керек. Әнді жүктеу үшін сайтқа тіркеліп, тіркелу барысында көрсеткен поштаңызға келетін растау хатындағы сілтемені басу керек. Ары қарайғысы оңай.

Меніңше бұл көптен күтілген бастама. Қазірдің өзінде «картотекада» қырыққа жуық ән бар. Ол қоржын сіз бен біздің ықыласымызға ие болатындықтан күн өте молая түсер деген үміт бар. Тезірек тіркелгіңізді иемденіп, сүйікті әндеріңізді жүктеп алғайсыз… Әйтпесе.. «Ол көктем оралмай» қалуы мүмкін…

Ілмек: www.muzart.kz

(2 дауыс, орташа есеппен: 3.00 / 5)

 Loading ...