Рецессия деп байбалам салған көпке үнемшілдік айлаларын, ысыраптамау тәсілдерін біліп алған мақұл. Сіздің блогыңыз осы тұрғыда мынадай консультативтік шаралар кешенін ұсынады:

- Шайға қосылатын құмшекер көлемін кеміту, екі қасықтың орнына бір шай қасық құмшекер қату
- Шай ішерде алдын қолданылған шай пакетін қайтара кәдеге асыру, бір рет пайдаланып, қоқысқа лақтыра салмау
- Үйде энергия қуатын, суды пайдалану режимін оптимизациялау: ысырапты пайдалануды болдырмау, өзіңізден кейін жарықты сөндіріп жүруді әдетке айналдырып алу
- Үйде апталық тамақ қорын қарастырып қойып, сауық-, дәмханаларға барғыштау үрдісін тежеу, жалпы, энтертейнментке қарастырылатын бюджетіңізді қайта қарау
- Кір жуу машинасын мейлінше азырақ пайдалану үшін киер киіміңізді ұқыппен кию, қыртысын бұзбастан, бір үтіктелген нәрсені екі-үш күн киюге талпыну. Бір күн киіп, сол күні кешке кірленген киім сепетіне тастай салмау.
- Жанар-жағармайға қарышталажақ қаражатты үнемдеу үшін аракідік қоғамдық көлікке мінуді дағдыға айналдыру
- Қалтафонның тиімді тарифтеріне жазылу, керексіз сөйлесулерді доғару, SMS жүйесімен хат-хабар алысарда бір мәтінге мейлінше мол мән сиыстыру техникасын меңгеру
- Иіс сабынды толығымен «еріп» бітпейінше, тіс пастасы соңғы шығымы сығып алынбайынша тастамау
- Жуынып-шайынып болғасын шашты кептірмекке фенді пайдаланбау. Табиғи кебуіне жол беру
- Барар жеріңіз екі-үш аялдамалық жер болса, мүмкіндігінше жаяу жүруге машықтану. Бұл денсаулығыңызға да пайдалы.
- Бір жерге барарда үйден кеш шығып қап, қарбаласта такси ұстап, шығынды көбейтіп алмау үшін алдын-ала уақытты дұрыс қамдастырып, ертерек шығып, автобусқа мінгесу. Жалпы, тайм-менеджментіңізді бір арнаға түсіру
- Күн аязда далаға бас киімсіз «лағып» кетіп, не болмаса, шалбардың ішінен жылытқыш «кимешек» кимей, кейіннен ауырып қап, науқастанбау үшін үнемі денсаулығыңызға мұқият, байқас болу. Сүт қатқан ыстық шай ішуді молайту. Жалпы, өз денсаулыңыздың күтіміне бей-жай қарамау
- Т.б.

Ілмек: cost reduction

(1 дауыс, орташа есеппен: 5.00 / 5)

 Loading ...