Бір нәрсені жақсылап түйсініп алу мақұл. Тар құрсағын кеңітіп, сені дүниеге келтіретін тас емшегін жібітіп, сені әлдилеп-аялайтын анаң. Туылатын – сен. Тиісінше, «туған күніңмен!» деуден гөрі, «туылған күніңмен» деу семантикалық, табиғи заңдылыққа қайшы келмес болар. Керек қылсаң, түп дұрысы сол. Шығыс құттықтау адрестің бірінде менен сұралғасын, «туылған күніңізбен!» деп көрсеткенмін. Аудармаға келгенде данышпан көп. Заңды құбылыс. Лезде артынша телефон шалып, «Туған күніңмен!» дегенді қате жазғаныңыз өкінішті деп түйрейді. Иә, «Ана, мені туған күніңмен (күніңізбен)» контекстінде бұл құп. «Мені туылған күніммен құттықтап жатыр. Бірақ ардақты іс – сіздің еншіңізде» дейсің. Әр нені бет-алды айтудан ілкін аракідік аражігін ажыратып тұру ешқашан ешкімге залал келтірер қырсық емес. Аңдап, бағамдаймыз. Туған анамыз да, туылған біз де…

Ілмектер: birthday, туу, туылу

(5 дауыс, орташа есеппен: 4.20 / 5)

 Loading ...

О баста сөз сүйемелдеуінсіз қалай болар екен дегендей едім. Фильмнің моральдық, бейморальдық «қасиеттерін» тықсыра тұрып. Киноның жалпыхалықтық сипатты болуынан шығар, мәртебелі тұлғалар бірі даттаса, бірі шашбауын көтерді. Бүгінгі білгенім қазақтың «Келіні» «Оскардың» «үздік шет елдік фильм» номинациясына іліккендердің жартылай ақтық мәреге сұрыпталғандары арасында. Ақпанның басында үздік тоғыздың бесеуі келер сатыға жолдама алады екен. Бәсекелестер ішінде «Пророк» бар. Фильмді қарағандар бейнормативті лексикаға тұнған оның шын мәнінде ортанқолдан жоғары композиция екеніне келісер, бәлкім.

Кішкентай да болса бір жеңісті керектіру өмірдің алуан-алуан қырында ұшырасып отыратын заңды қажеттілік. Мүмкіндігінше кинопарктарымыздағы премьераларды қалт жібермеуге тырысатындардың бірі менмін. «Атышулы» деген анықтауышпен қосарлана айтылуы дағдыға айналып үлгерген «Келінді» алғаш қарағанымда, шынын айту керек, жалғасы »

Ілмектер: "Оскар", моралистика, әмеңгерлік

(4 дауыс, орташа есеппен: 4.00 / 5)

 Loading ...

Дәл сіздің мекеніңіздегісін қайдам, бізде қыс қаһарына кәдімгідей мінгесіп алды. Сарыарқа төсіндегі тұңғыш қыс болғасын осы бір қызықтарды күтеді екенсің ересек күйіңмен. -35’тің Астанаша нобайы: көлігін жабулы паркинг емес, аулада тұрақтандыратындар сағат сайын қыздырып отыруы шарт, шарфты мойынға емес, бетке тағады, небір сәулетті ғимараттардан будақ-будақ түтін түтетіледі автономды жылу қазандықтары іске қосылып, «подштанниксіз» ердікі қиын, шалбарасты қам-қарекетке бей-жай қалмауы шарт…, қалада тұрғын үйлерді жылумен қамтамасыз ету дұрыс жолға қойылған, жұмысыңа жеткенше кейде бет қызарып, бөртіп кетеді екен. Үшәй-әй! АҚШ-тың экс елшісі өткенде баскентімізді әлемдегі ең суық астаналар қатарына қосуында «демократиялық бір шындық» бар… Бүгін православиеде суға түсетін күн екен. Мынандай қытымыр аязда ол қалай жүзеге асарын елестету қиын. Наурызды күтесің. Былтырғыдан бастап ресми үш күн тойлатылады, тойланады. Биылғы күнтізбе Наурызды мерекелеуге білдей 5 күн бөліпті, пәлі! Мына суықта малта езіп, суын ішу бір абзал. Бір жерден құрт алып езер ме еді… Тар қапас кеңседе құрықталып, шайға сүт қатып соны жанға медеу қылған менде жазық жоқ. Бірақ әз Наурыз көп ұзамай салтанат құрарын сеземін. Мынауы – өткінші…

Ілмектер: ақ қырау, басқан жері сықырлап, малта, нәпитөк, құрт

(6 дауыс, орташа есеппен: 3.67 / 5)

 Loading ...

Төрткүл дүние түйдектесе сансыз түйткіл, сұрағын
Талаптан да, дүлдүл болып суырыл алға, пырағым!
Төраға ғып тәжді саған ұсынғанда ОБСЕ шырағың
Төрт «Т» болсын ұстанатын ұраның:

Trust – сенімің, иықтассаң үрейленбес болуға,
Сеніміңе селкеу түспей, орта солай толуда.
Tradition деп дәстүріңді қору керек әмәнда,
Түбірлерден тайқымауды сіңірте бер ғаламға. жалғасы »

Ілмектер: ЕҚЫҰ, төрт Т, ұстанатын қағида

(4 дауыс, орташа есеппен: 4.75 / 5)

 Loading ...

Кім айтты саған,
Ағылшын тілі қазақ тілі бола алмайды деп,
Аудармашылар көп алдайды деп,
Кенже, өгей күйді кештірсең
Төл тілің жоғалмайды деп…

Тіліңнің құдіретіне ешкім сенбесе,
Сенікі емес, өзгенікіне терлесе.
Тірідей көміп жерлесе,
Онысы ірілік емес, ендеше…

Ағылшын тілі мен қазақ тілі арасындағы базбір коррелятивтік үндестік заңдылықтарын бірлесе тиянақтылап көрейік:

Did the dog know it? – Ит біліп пе?!
Head of your grandfather! – Атаңның басы.
Oi! Buy late too – Ойбайлату
Бажа Tatoo – бажа тату
SMS – ес емес
What – не
That – зат
What’s that? – Не зат?
Your bunny wrote – Сіздің көжегіңіз жазыпты…
See you – сүю
I see you – Мен сүю
I sew loo – Айсұлу
All bus tea – албасты
Korean case ear – көрейін қазір жалғасы »

(7 дауыс, орташа есеппен: 4.43 / 5)

 Loading ...

Жалпы, сізді осы аракідік те болса қарттықты қалай, неммен қарсы аламын деген сауал мазаламай ма? Бүгін нем бар, кімім бар, ертең немерем мен шөбереме лайықты ата, апа болу мәселесі. Дүние алма-кезектесіп дөңгелеп жатса да, құндылықтар мәңгі шығар осы. Қазақтың жөн-жөралғысы мен дәстүрлі дағдысы бойынша досым атаның ұлы болды. Сіздерді апа туралы бір үзік сырды оқып шығуға үндей отырып, бір сәт перзенттік парыз жайын ойға алуға үндесем қалай қарайсыздар? Осы эсседегі тәпсірленген апа бүкіл қазақ апаларының жинауыш образы да секілді. Мархабат:

~~~~~~~~~~~~~~~~~~~~~~~~~~~~~~~~~~~~~~~~~~

Мен атамның баласымын… Ес білгелі өзімді атам мен апамның баласымын деп білемін. Бала кезімде менен үлкен ағаларым немесе үйге келген қонақтардың бірі маған әдейілеп «сен атаңның емес, бәленнің баласысың» деп әкемнің атын айтса, мен соған кәдімгідей намыстанып, көнбей тұрып алатынмын. Сонымды үлкендер қызық көрсе керек, мені сөйтіп ызаландыруын қоймайтын тегі… Сол кездері маған ауылда тұру, атамның баласы болу үлкен мәртебе көрініп, «қаланың баласы» деген лақап ауыр тиетін. Ауылдағы өзім қатарлы, күнге қақталған, кірқожалақ достарыма сұмдық қызығатынмын. Өйткені оларды ешкім «сен бәленнің баласысың, қалалықсың» деп мазаламайтын. Сол ауылдың балаларына еліктеп, өзімді қанша солардай сезінгім келсе де, жүрек құрғыр бірдеңені сезсе керек, әйтеуір өзімнің бір «шикілігімді» байқайтынмын. Неге екенін қайдам, әйтеуір өзімді толыққанды ауылдың баласы ретінде «жетілдіре алмаппын»…

Атам марқұм мен дүниеге келгенде төсек тартып жатқан екен. Шыр етіп өмір есігін жаңа ашқан мені арнайы алдырып, маңдайымнан иіскеп, атымды қойып, жиырма шақты күннен кейін жүріп кетіпті… жалғасы »

Ілмектер: "Келін", аманат, апа, атаның баласы, бейнет, дұға, Қожахмет

(1 дауыс, орташа есеппен: 5.00 / 5)

 Loading ...

Ел құлағы елу. Кейде алпыс, жетпіс. Сосын құлағы әр неге түрік. Жүрегі қазақ, бірақ. Сол құлақ құрғыр естіп, біліп алады ғой қайда, қашан қандай сеанс барын. Джеймс Камерон деп тұтас жұртың делебесін қоздыртқасын лажсыздан өзіңді осы көптің қалаулысына жыққызасың. Әлбетте, мүмкін болса ортарақтағы қатар, ортаңғы тұсындағы креслоны көздейсің. Болмаса, өзгесіне, барына тоқмейілсисің. Жолжақсыновтың «Біржан салы» болса бір сірә, ана поп-корнды алып не керек бар деп өзіңдегі нәпсіні тежейтін. Мынаусында моральдік қағидалар поп-корнды «гірш-гірш» етіп жей беруге тосқауыл қоймайды. Жоқ, Камерон қашанда Джеймс қой. Немесе, Джеймс қашанда Камерон. Болып қала бермек. Джеймс егерәки Камерон болмай көрсінші, «Титаник» «мұхитқа кетпес еді», кинотүсірілім мен көрсетілім тарихында ең көп кассалық жиын-терімге қол жеткізген «me far, wherever you are» болмас болар еді. Қалай еді әлгі, кіндігіне ана айдахардың жалын ұштастырып, «шу жануар» деп қанат қомдай сеңгір көкке ұша жөнелуші ме еді? Фантазия кемеріне сыймай тұр ғой. Дегенмен Камероннан асып түспесе, кем соқпайтын фантаст қазақ туралы құлақ естіді, көз көрді. Қалай дейсің ғой әлбетте ки… жалғасы »

Ілмектер: "Аватар", Avatar, Нә'ви, Пандора, қазақтың келіні

(4 дауыс, орташа есеппен: 4.00 / 5)

 Loading ...

Мың жерден Жаңа жылдың тойланымы мен салтанатты түрде қарсы алынуы полемика тудырып жатса да, тойланғаны тойланған. Бұл да өзінше тілге тиек етіліп жүрген «соны Қазақстандық модельдің» бір қыры, жазылмас қыртысы. Бұны барлық (данность) деп қабылдайтын сәт әлдеқашан туып үлгергенен ұғып қою абзал.

Шымкентте 31 күні +16’ны еш ұялмай, қызармай көрсетіп тұрды сынап бағанасы. -20’лататын баскенттен кейін, әрине, аздап абдырағансисың. Сөйте тұра беттейсің ғой үйге. Үй – жер там. Ағаң мангалды жарқыратып сайлап қойып, маринадталған онша-мұнша етін шампурға қондырып қойып, сені құрақ ұша қарсы алады. Үйдегілердің әрбіріне тиесілі сыйлықты үлестірер үлестірмес, жеңіл жейдені киіп ап, «трикошең» сыртқа шығасың. Жеңгең, шешең үстелге баппен сервистеліп қойылған оливье, винегретті ары-бері ұшып-қонып жүрген бала-шаға шұқып, сұрықсыздандырмасын деп өз алдына уақытша бөлек стол жасайды. Ал оларыңның есіл-дерті «қашан пақылдақты атамызы» ғой. Қазақтыкі қайсыбір даталы күн болмасын, ол мереке-мейрам оллаһи-біллаһи берекелі дастарханмен, мол тамақпен дүркіреп аталып өтілуі шарт. жалғасы »

Ілмектер: дастархан, ЖЖ, отшашу, Сәдуақасова, шәңкілдек, әмбебап

(Баға беріңіз)

 Loading ...

Сәукелелі қыздай ұзатылып барады 2009. Ауылға ұшам бірер сағат соңыра. Ағам телефон шалады, «мангалды шығарып қойдым, шашлық істейміз бірге» деп. Сол қызық болайын деп тұр. Әуежайға соғып растау алдым, «рейс уақытылы ұшуы керек» дегенді айтты. Жеңгемдер бір шара оливье жасап қойған шығар. Төрт күнге жететіндей етіп. Балаларына не сыйлық алып барсам екен деген ой мазалап тұр мені қазір. Уақыт та қыспаққа алады. Есілдің сол жағалауында Жаңа жылды жалғыз қарсы алу ұлы перспектива емес дейді интуициям. Шымкентте көктем дейді. Етік емес, топлиымды киіп барам-ау. Синемаларда Бекмамбетовтың «Қара найзағайының» премьерасы басталып жатыр екен. Оның да «шаруасын» тындыру керек. Кешке арналарды бірінен басқасына ауыстырып қарармыз, ертеңгі сұхбаттасуларда сұхбаттасымыздың “ананы көрдің бе” дегенінде тосылып қалмау үшін. Төрт күн демалыс! Екі күн істеп, тағы үш күн офиссіздену… Жаңа жыл жаман басталмайын деп тұр. Ескі жыл есіркеп, жаңасы жарылқасынды айтамыз. Ағын судай болайық. Бір жерде тұрып қалған су сасиды екен ғой…

Ілмектер: 2010, Жаңа жыл, оливье, падаркы

(Баға беріңіз)

 Loading ...

Жасалуы өте оңай тағам. Үйде көкөністен не бар, түгендеп аласыз. Картоп, пияз, болгар бұрышы, қырыққабат, сәбіз, аздап ет, тағысын тағылар…

Бәрін ұқыппен турап, аздап қыздырылған қазанға орналастыру керек. Ингредиенттерді бөлшектеп турарда тым майдалап жіберген де болмайды.

Қазанда топтастырылған құрамның үстін қырыққабат жапырақтарымен бүркейсіз. жалғасы »

Ілмектер: ас рецепті, дәмләмә, ет, картоп, оңай тамақты әзірлеу, пияз

(5 дауыс, орташа есеппен: 4.40 / 5)

 Loading ...